10_QF-Tru_og

“SKAPAÐI GUÐ MANNINN, EÐA SKAPAÐI MAÐURINN GUÐ?"

Tilvitnun frá: Fyodor Mikhailovich Dostoevsky.

Sameining Trúar og Vísinda.

Bessastaða- og Viðeyjarbóndinn Grímur Thomsen, átti það til að segja að það fólk sem hefði sterkar efnishyggjuhneigðir, væri „fjósatrúar”, þar sem það gerði skepnurnar sem héldu í því lífinu í hungursögu þjóðarinnar, nánast að guði sínum. Á tuttugustu öldinni er þetta svo orðið að hugtaki sem stundum er notað um miður upplýsta einstaklinga og sagt að þeir séu „fjósaðir”. Jafnframt vísaði lýsingarorðið „heimskur” til skorts á andlegri hugsun og þess að viðkomandi væri einungis þessa heims þenkjandi. Nú nýverið hafa trúaðir og fjósatrúar menn hér á landi skipst á skoðunum og hefur orðið mikill fjósafnykur af, enda hafa fjósatrúarmenn notið mikils og hámenntaðs stuðnings erlendis frá, í hinum heimskunna Oxford-líffræðiprófessor og Darvinista, Richard Dawkins.

Er sú umræða sem spunnist hefur útfrá heimsókn Dawkins aðalkveikja þessara skrifa, en meginþráður heimsóknarinnar eru háværar og árásargjarnar umfjallanir Dawkins um trúarbrögðin og sögu þeirra, sem ná hámarki í tveim sjónvarpsþáttum sem hann gerði fyrir Channel 4 í Englandi og bera titilinn THE ROOT OF ALL EVIL?. Jafnframt þessu hefur grein séra Gunnars Jóhannessonar sóknarprests í Hofsós- og Hólaprestkalli, Skagafirði, TRÚ OG VÍSINDI, í lesbók Morgunblaðsins 8. júlí 2006, komið skrifunum af stað.

Megininntak sjónvarpsþátta Dawkins er að trúarbrögðin séu orsök nánast alls ills í mannkyninu og sögu þess, en hér stöndum við mennirnir jafnframt frammi fyrir þeirri staðreynd að við höfum ekki fullan skilning á hvað trúarbrögð eru og hvernig virkni þeirra er og hverju þau hafa komið til leiðar í fortíðinni, góðu sem illu. Enn fremur vita hvorki andlega- né efnislega þenkjandi menn afgerandi hvers vegna maðurinn hneigist til trúar og trúarbragða yfir höfuð og gildir það um gervivísindi sálar og geðfræðinnar, sem og um hin andlegu guðfræði-hugvísindi (spiritual science), jafnframt sem um alvöruvísindi taugalíffræðinnar. Hér skal tekið fram að „gervivísindi” (pseudo science) eru vísindi sem ekki krefjast sannana kenninga sinna samkvæmt vísindahefð efnisvísindanna, sem byggð eru á víxilvirkni milli kenninga og staðfestandi tilrauna, hér kölluð „alvöruvísindi”, enda skilgreina þau sig þannig sjálf.

Spurningunni um það hvers vegna raunveruleiki okkar inniheldur þetta andlega fyrirbrigði, Guðsraunveruleikann, er enn ekki svarað. Spurningunni hvers vegna raunveruleiki okkar er ekki án trúarhneigðarinnar, er sömuleiðis ósvarað. Þetta þýðir að enginn veit hverjar frumorsakir trúarhneigðar mannsins eru og hvaðan þær koma og er því enn ósvarað spurningu þeirri sem plagaði Fyodor Mikhaylovich Dostoevsky hvað mest: Skapaði Guð Manninn, eða skapaði Maðurinn Guð?

Þar sem ofangreindum spurningum er enn ósvarað er engra niðurstaðna að vænta í ágreiningi hinna trúuðu og fjósatrúuðu. Er því í deilum þessum á ferðinni--í öllum sínum skrúða--hinn viðvarandi skilningsskortur manna á muninum á trú og trúarbrögðum, en hér—í sem mestri einfeldni--á hugtakið um trúarbrögð við um samfélag manna þar sem þeir segja hver öðrum hverju þeir eigi að trúa, hvernig þeir eigi að lifa og hvernig þeir eigi að hegða sér. Aftur á móti er „trú” eitthvað sem á sér stað innra með einstaklingnum þ.e. í vitundarlífi hans, sem í fullum blóma er oftast kallað andleg vakning eða „spirtuality”. Slíkur einstaklingur talar þá gjarnan um að hann trúi ekki, heldur að hann viti, og aðskilur sig þá mjög oft frá öllum trúarbrögðum þó hann kunni jafnframt að nýta sér þau nánast öll.

Fyrir greinarhöfund—sem er bæði trúartrúaður og fjósatrúar, án þess að aðhyllast nokkur trúarbrögð--eru þessi átök andlega þenkjandi og efnislega þenkjandi manna fullkomlega gagnslaus þar sem þau fjalla einungis um „hvernig” hlið raunveruleikans, en bjóða hvergi upp á nein „hversvegna” rök honum viðkomandi. Þegar kemur að orsakasvörum trúarbragðanna, viðkomandi spurningunum um tilvist Guðsraunveruleikans og virkni hans, verður heldur fátæklegt um að lítast, og má segja að þau svör sem þar eru á boðstólum, séu í sama flokki og hin frábæra röksemdafærsla krakkana, sem hafa „afþvíbara” svarið við öllu á takteinunum.

En hversvegna er trúin á Guðsraunveruleikann, elsta og blóðugasta rifrildi mannsins? Hvers vegna er þá ekki í gangi slíkt rifrildi um hið andlega hugtak mannana, Djöfulinn? Hvers vegna er þetta svona og hvað er að segja um það þegar því er haldið fram að þessi rifrildi um hin óskilgreinda raunveruleika innra með okkur muni aukast og versna? Hvað um þá staðhæfingu að þau eigi eftir að verða verri en hin fáráðlegu rifildi innan trúarbragðahreyfinganna sjálfra? Orðið „islam” , sem upphaflega var aslama og þýddi uppgjöf (fyrir vilja Guðs), er skilið í hinni líkingamálsríku tungu Arabískunnar í dag, sem bræðralag (fellowship) og orðið „kaþólismi” er einnig skilið sem bræðralag, en bæði þessi trúarbrögð segjast vera hið fullkomna bræðralag, þó svo margir áhangenda þeirra hafi tekið líf einstaklinga annara trúarbragða og jafnframt sinna eigin trúbræðra, af mikilli heift.

Er það að furða þó margir vísindaþenkjandi menn mótmæli trúarbrögðunum á grundvelli þessa og að mínum dómi gera þeir það réttilega. Hinsvegar geta þeir ekki fjallað um einstaklingsbundna trú, og enn síður um „spirituality”, því enginn veit hvað það fyrirbrigði vitundalífsins er. Hér vill greinarhöfundur halda því fram að rót alls þessa ágreinings liggi í því að vísindi okkar vita enn ekki endanlega hvernig DNA-sameindin og heili okkar eru „forrituð”, ekki heldur hvernig hinar 24-30.000.000.000 píramídataugar vitundarsviðs heila okkar starfa og síst af öllu hvað á sér stað þegar starfsemi tauga þessara framkalla geðraskanir og geðsjúkdóma. Hvað gervivísindum geðfræðinnar við kemur þá eru halucination- eða ofskynjana-skýringarnar á síkósu fyrirbrigðunum í sama flokki og „afþvíbara” svör krakkanna; engin orsakavirknis-skýring, en í besta lagi aðeins vísbending um ástandið.

Hér verður vandamálið enn stærra þar sem talið er að lokasvarið um mannsheilann og vitundina sé háð uppgötvun manna á loka-sameiningarkenningu eðlisfræðinnar—það er, uppskrift alheimsins–en þar er illt í efni því bæði kennileg líffræði og kennileg eðlisfræði, vísindagreinar þær sem eru skurðaregg raunvísindanna, eru komnar í strand og komast ekki lengra. Er almenningur illa meðvitaður um strand þetta þar sem hinir snjöllu vísindamenn okkar forðast að ræða það, svo ekki verði skrúfað fyrir fjárveitingar til rannsóknarvinnu þeirra og lífsviðurværis.

Viðkomandi þessu er rétt að benda á að árið 1984 hafði breski eðlisfræðiprófessorinn Stephen Hawking þetta að segja um leitina að uppskrift alheimsins: „Ég myndi vilja vita nákvæmlega hvað gerðist á milli 10^_-33sekúndu og 10^_-43 sekúndu. Það er þar sem hið endanlega svar við öllum spurningum um alheiminn—að lífinu sjálfu meðtöldu—er að finna.” Einnig er viðeigandi að segja frá því að nú nýverið sagði Hawking frá því í fyrirlestri í Hong Kong, að páfinn hefði beðið sig að láta það vera að leysa gátuna um sköpunarverkið og kann það að hafa stafa af ótta við frekari rýrnun valds kaþólsku kirkjunnar. Í þessu samhengi er svo jafnframt viðeigandi að geta þeirrar merkilegu mótsagnar sem fram kemur í stareyndinni að árið 1927 kom fram upphafsmaður leitarinnar að uppskrift alheimsins, en það var kaþólski presturinn, belginn Geroges Lemaitre. Lemaitre var trúaður mjög og var sæmdur heiðursmerki Vatíkansins fyrir kenningasmíðar sínar, en þær settu í gang vísindalegt niðurrif á sköpunarsögu Mósesar.

Er nokkuð ljóst að lokasvarið um alheiminn, mannsheilann og vitundina, muni innihalda svar við spurningunni um tilvist og virkni Guðsraunveruleikans og það því mögulega ógnun við trúarbrögðin, en að mati greinarhöfundar þýðir það jafnframt sameiningu vísinda og trúar og því lausnar mannsins. Allt þetta segir greinarhöfundi að hinir trúarbragðatrúuðu og þeir fjósatrúuðu, eða hinir andlega þenkjandi og efnislega þenkjandi, muni halda áfram að rugla og rífast um trú og trúarbrögð þar til hið endanlega svar viðkomandi mannsheilanum og vitundinni, ásamt spurningunni um það hvað og hver við mennirnir erum og hvert hið raunrétta eðli okkar er, hefur komið fram.

Hinn merki bandaríski taugalíffræðingur, prófessor Paul MacLean, hefur þetta að segja um leit þessa: „Áhugi á mannsheilanum þarfnast engra annarra réttlætinga en forvitninnar á vitneskju um það hversvegna við erum hér, hvað við erum að gera hér, og hvert við erum að fara.” Hér koma einnig orð hins þekkta bandaríska sálarlífeðlisfræðings, prófessors Richard M. Restak, okkur í hug, en hann segir; „Þar sem heili okkar er ólíkur nokkurri annarri byggingu í hinum þekkta alheimi, þá virðist það vera sanngjarnt að skilningur okkar á starfsemi hans, ef við eigum einhvern tímann eftir að öðlast slíkan skilning--muni þarfnast leitar sem er verulega frábrugðin þeim leiðum sem við notum til að skilja önnur kerfi. – Hér er ekki vísað til uppgjafar, heldur til auðmýktar. Nýjustu og árangursríkustu hugmyndir okkar í vísindunum hafa verið árangur af því að einhver hefur haft hugrekki til að leggja frá sér viðteknar hugmyndir vísindanna til að reyna djörf, ímyndunarrík og skapandi hugmyndalíkön. Er ekki eftir allt heili okkar hluti af grundvallareðli þess alheims sem þrátt fyrir þúsundir ára af getgátum er okkur enn algjör ráðgáta?"

Restak, sem og breski taugalíffræðiprófessorinn, Susanne Greenfield barónessa, kalla leitina að hinum endanlega/fullkomna skilningi á starfsemi mannsheilans og vitundarinnar; „Hin endanlegu landamæri vísindanna.“ Athyglisverðast er þó í öllu þessu athugasemd bandaríska líffræði-prófessorsins og fyrrum rektors Harvard Háskóla, Gerald D. Fischbach: „Heimsspekileg leit verður að vera studd með tilraunum sem eru nú á meðal hinna mest áríðandi, ögrandi og örvandi í öllum vísindagreinum og sögu vísindanna. Lífsafkomu-möguleikar okkar, og sennilega alls lífs þessarar reikistjörnu, byggjast á enn fullkomnari skilning á mannshuganum.”

Frá því í byrjun áttunda áratugar tuttugustu aldarinnar hafa rannsakendur mannsheilans orðið sífellt betur meðvitaðir um þá staðreynd að rúmskynjunarhvel heila okkar (venjulega hægra heilahvel) er svið svokallaðrar undirmeðvitundar og að þessi hluti heilans er sá hluti hans er að finna mest af hinum óleystu gátum um starfsemi hans. Er þar jafnvel að finna spurninguna um það hvers vegna er yfirhöfuð um undirvitund að ræða. Eigum við yfir höfuð að vera með takmarkaða vitund í öðru heilahvelinu, rúmskynjunarhvelinu? Samanburðarrannsóknir sem gerðar voru við Georgia State University á virkni heilahvela í manni og simpansa, sýndu að í manninum er nánast öll virknin í efnishyggju-hvelinu, á meðan í simpansanum er virknin jafndreifð milli heilahvelanna. Er þetta fyrirbrigði kallað ósamhverfa mannsheilans og botna menn lítið sem ekkert í þessum mismun, hvað þá heldur geta þeir skýrt hann. Það er svo einmitt í þessum hluta heilans, rúmskynjunar-hluta hans, miðsvæðis í „silvían fellingunni”, milli ennisblaðs, hnakkablaðs og gagnaugablaðs, sem er að finna svæði það sem ber frönsku heitin „jamais vu” og „déjà vu”. Hér þýðir fyrra orðið „ég hefi aldrei séð þetta áður”, en hið síðara, „ég hefi séð þetta áður”, en svæði þessi hafa verið einn mesti leyndardómur mannsheilans. Nú eru þó vísindamenn að byrja að átta sig á því að þetta eru trúarsvið og samkendarsvið mannsheilans, en hér hefur prófessor Dr Michael Persinger, Laurentian Háskólanum í Kanada, náð hvað mestum árangri við trúarstöðina, en ítalskir vísindamenn í Parma á Ítalíu, Dr. Giocomo Rizzolati og Dr. Laila Craighero, hafa uppgötvað samkenndarsvið heilans. Þessi staða gerir enn betur ljóst að allar spurningar um Guð og trúarbrögð eru í raun spurningar um mannsheilann og vitundarsvið hans, sem og spurningar um heilbrigða sem sjúka starfsemi hans.

Í tengslum við þessar niðurstöður um tilvist þessara taugasviða og rannsóknir á þeim, er hvað markverðust sú staðreynd að þau hafa mismunandi virkni í mismunandi einstaklingum, en á því hversvegan þetta er svo er enga skýringu að fá. Eru bestu tilgáturnar þær að hér sé um að ræða mismunandi mikið af starfrænum truflunum í þessu svæði heilans, en hvernig þær eru orsakaðar er ekki ljóst. Áður en við höldum lengra með spjall þetta, er viðeigandi að við látum hér fylgja efnislýsingu sjónvarpsþáttar BBC frá 2003, en hann fjallaði um stöðu þessara rannsókna.

“Guð á Heilanum” (God on the Brain)

Efnislýsing HORIZON sjónvarpsþáttarins frá BBC Two.

(Slóðin inn á þátt þennann er á leiðinni og verður hún póstuð hér)

Fyrsta sýning fimmtudaginn 17. april, 2003

(lausleg þýðing)

Rudi Affolter og Gwen Tighe hafa báðir fengið sterkar andlegar sýnir. Hann er trúleysingi; hún er Kristin. Hann hélt að hann hefði dáið; hún hélt sig hafa fætt af sér Jesús. Bæði hafa gagnaugablaðs-flogaveiki.

Eins og önnur form af flogaveiki, þá orsakar þetta ástand „köst” en er jafnframt tengt við trúarlegar ofskynjanir. Rannsóknir á því hversvegna fólk eins og Rudi og Gwen sáu það sem þau sáu hefur opnað heilt svið af heila-vísindum: taugaguðfræði.

Tengingin milli gagnaugablaða heilans og trúarlegrar tilfinningar hefur leitt einn kanadískan vísindamann til þess að gera tilraun með að örva þau. (Þau eru nálægt eyrum þínum.) 80% þeirra sem tóku þátt í tilraun Dr. Michael Persingers tilkynntu að segulsvið sem beint var að þessu sviði heilans framkallaði hjá þeim tilfinningu um að 'þau væru ekki ein'. Sum þeirra lýstu þessu sem trúarlegri reynslu.

"...að mikil líkindi eru á því [Ellen White] hafi gagnaugablaðs-flogaveiki"
Professor Gregory Holmes, Dartmouth Læknaháskólanu

Vinna hans bendir til þess að við séum forrituð til að trúa á Guð, að trú sem andlegur eiginleiki mannsins hafi þróast eða að hann sé okkur gefinn. Gagnaugablaðs-flogaveiki (TLE) kann því að hjálpa við að leysa gátuna.

Trúarleiðtogar
Mannkynsagan er full af trúarpersónum sem gæddar eru náðargáfu. Geta einhverjar þeirra hafa verið flogaveikar? Sýnir sem Biblíupersónur eins og Móses eða Sankti Páll eiga að hafa séð eru í samræmi við Rudís og Gwens, en það er engin leið að sjúkdómsgreina TLE í fólki sem lifði fyrir svo löngu.

Það eru þó síðari tíma dæmi, eins og saga einns stofnenda Sjöunda Dags Aðventista Hreyfingarinnar, Ellen White. Hún fæddis 1827 en 9 ára gömul varð hún fyrir heilaskaða-slysi sem gjörbreytti persónuleika hennar og byrjaði hún þá jafnframt að fá trúarlegar sýnir.

Fulltrúar hreyfingarinnar efa að Ellen White hafi þjáðst af TLE, og segja þeir að meiðsli hennar og sýnir séu ekki í samræmi við ástand hennar, taugafræðingurinn Gregory Holmes trúir hinsvegar að þetta útskýri ástand hennar.

"Þessir sjúklingar hafa sterkari hneigðir til trúarlegs lífs"
Prófessor Vilayanur Ramachandran, Californíu Háskóla, San Diego

Betra en kynlíf
Hinar fyrstu klínísku sannanir sem tengja gagnaugablað við trúarlegar skynjanir komu í ljós þegar fylgst var með því hvernig TLE sjúklingar brugðust við ákveðnum orðaröðum. Í tilraun þar sem fólki var sýnt annaðhvort hlutlaus orð (t.d. borð), kynörvandi orð (t.d. kynlíf) eða trúarleg orð (t.d. Guð), þá varð samanburðarhópurinn fyrir mestri örvun af kynlífstengdum orðum. Viðbrögðin komu fram sem sviti á húðinni. Fólk sem er haldið gagnaugablaðs-flogaveiki deildi ekki þessari forgangsröð í skynjunni. Fyrir þau reyndust trúarleg orð framkalla mestu viðbrögðin. Kynlífstengd orð voru minna örvandi en þau hlutlausu.

Látið sem sé trúað
Ef hin óeðlilega starfsemi heilans í TLE sjúklingum breytir viðbrögðum þeirra gagnvart trúarlegum hugtökum, gæti þá tæknilega breytt heilavirkni framkallað það sama í fólki sem er án slíks sjúkdóms ástands? Þetta er spurning sem Michael Persinger tók sér fyrir hendur að kanna, og notaði til þess sérhannaðan hjálm til að geta þjappað saman segulsviði að gagnaugapoka-sviði þess sem ber hjálminn.

"Tilfinningu um eitthvað handan við sjálfan þig, stærra í rúmi og tíma,
er hægt að framkalla með örvun" Dr Michael Persinger, Laurentian Háskólanum

Einstaklingum þeim sem tóku þátt í rannsókn hans var ekki sagður hinn nákvæmi tilgangur tilraunarinnar; einungis að tilrauninni væri ætlað að kanna afslöppun. 80% af þátttakendunum tilkynntu að þeir skynjuðu eitthvað þegar segulsviðinu var beitt. Persinger kallar eina af algengustu skynjunum 'skynjaða viðurvist', eins og einhver annar væri í herberginu með þér þegar enginn annar er þar.

Horizon kynnti Dr Persinger fyrir einum þekktasta trúleysingja Bretlands, prófessor Richard Dawkins. Hann samþykkti að reyna tækni sína á Dawkins til að sjá hvort hann gæti gefið honum augnablik af trúarlegri tilfinningu. Á tilraunartímanum sem stóð í 40 mínútur, upplifði Dawkins að segulsviðið í kringum gagnaugablaðs-svæðið hans hafði áhrif á öndun hans og limi. Hann fann ekki Guð.

"Hæfileiki til trúar... sumt fólk hefur hann en annað ekki"
Stephen Sykes biskup, Háskólanum í Durham

Persinger varð ekki fyrir vonbrigðum með ónæmi Dawkins fyrir selguláhrifum hjálmsins. Hann trúir því að næmi gagnaugablaða-heila okkar fyrir segulbylgjunum sé breytilegt frá persónu til persónu. Fólk með TLE kann að vera sérstaklega næmt fyrir segulsviðum; Prófessor Dawkins virðist vera vel fyrir neðan meðallag hvað örvunargetu varðar. Þessi hugmyndafræði er einnig studd að nokkru af klerkum eins og Stephen Sykes biskup: getur hér verið um að ræða fyrirbrigði eins og einhverskonar trúargáfu?

Heilaskönnun
Eigi að síður sér Sykes mikinn mun á milli ‘skynjaðrar viðurvistar’ og ósvikinnar trúarlegrar reynslu. Vísindamenn eins og Andrew Newberg vilja einfaldlega fá að sjá hvað gerist á augnabliki trúarlegrar reynslu. Hann vinnur með Buddhaistanum Michael Baime við að kanna heilann á meðan á hugleiðslu stendur. Með því að sprauta geislavirku merkiefni í blóðrás Michaels þegar hann nær hámarki í hugleiðslutrans, gæti Newberg notað heilaskanna til að ná myndum af heila í trúarlegu hámarksástandi.

"Fólk í hugleiðslu lýsir tapi á skynjun sjálfsins"
Dr Andrew Newberg, Sjúkrahúsi Pennsylvaníu Háskóla

Blóðflæðiferlið sýndi að gagnaugablöðin voru vissulega þátttakendur en einnig að paretial-blöð heilans virtust næstum fullkomlega hætta störfum. Paretial-blöðin eru talin gefa okkur skynjun á stað og stund. Án þeirra kunnum við að missa skynjun sjálfsins. Fylgjendur margra trúarbragða heimsins líta á persónulegt lítilræði og sameingu við guðaveru sem eitthvað sem vert sé að leita eftir. Vinna Newbergs bendir til taugafræðilegra forsendna fyrir því sem trúarbrögð reyna að framkalla.

Trúarleg þróun
Ef skilningur á heilastarfsemi veitir okkur innsýn í það hvernig við upplifum trúarbrögð, geta þær upplýsingar þá líka sagt okkur eitthvað um það hversvegna við gerum það? Það eru sannanir fyrir því að fólk sem aðhyllist trúarbragða-trú lifi lengra, heilbrigðara lífi. Þetta bendir til þess að trú sé hagkvæm lífsbjörg fyrir trúað fólk. Er mögulegt að við höfum þróað með okkur trúarbragða-trú?

Prófessor Dawkins (sem aðhyllist þróunarkenninguna til að útskýra þróun mannsins) telur að það kunni að vera þróunarhagnaður að trúa ekki á Guð, heldur það að hafa heila með getuna til að trúa á Guð. Að slík trú eigi tilvist sína í auka-framlagi sérstakrar greindar. Prófessor Ramachandran neitar því að uppgötvun á því hvernig heilinn bregst við trú rýri gildi trúarinnar. Hann hallast að því að heilastöðvar eins og þær sem Persinger og Newberg hafa fundið, kunni að svara til móttakara sem gerir okkur móttækileg fyrir Guði. Á meðan hyggur Sykes biskup að trúarbrögðin hafi ekkert að óttast af hálfu taugavísindanna, því vísindin snúist um að leita skýringa á umheimi okkar. Fyrir hann að minnsta kosti, geta þau átt sam-tilvist með trúnni.

„Trú án vísinda er blind og vísindi án trúar eru lömuð.“

Albert Einstein

Endir efnislýsingar BBC

Niðurstaða greinarhöfundar, viðkomandi endanlegum skilningi okkar á mannsheilanum, er sú, að við munum tæpast öðlast slíkt innsæi án þess að í því sé að finna orsakir og skilning á hinum mikla mismun á afkastagetu heila milli mismunandi einstaklinga, en það krefst skýringa hinna starfrænu truflana er hrjá þetta líffæri sem er þungamiðja tilveru okkar. Hér birtist annað stórvandamálið, en það er fólgið í því að þessar starfrænu truflanir eru skammtafræðilegs eðlis, en skammtaraunveruleikinn er jafnframt grunnurinn að starfsemi heilans. Þetta hefur fyrst og fremst með skilning á geymslu og endurheimtan upplýsinga í heilastarfseminni að gera, en enn vita vísindin ekki hvernig þetta á sér stað, eða í hvaða formi og hvar upplýsingarnar eru geymdar. Vegna hinnar gífurlegu smæðar mikils hluta skammta-raunveruleikans, standa vísindamennirnir enn sem komið er alveg á gati viðkomandi því hvernig rannsaka skuli þennan skammtagrunn til lausnar gáturnar um þessa tækni og aðferðafræði náttúrunnar, en í því spili er kóróna allra viðfangsefna vísindanna, vitundarsvið mannsheilans.

Með öðrum orðum, uns maðurinn hefur leyst gátuna hans Hawking um sameiningaruppskrift alheimsins í formi „Kenningarinnar um Allt”, þar sem gátan um mannsheilann er leyst, munu hinir fjósatrúuðu vísindahyggjumenn og trúarbragða-trúuðu menn, ekki hætta að rífast um elsta og blóðugasta ágreiningsmál mannkynsins, Guðsraunveruleikann. Sama mun gilda um trúarbrögðin, sem munu halda áfram að kljást hvort við annað sem og innbyrðis á grundvelli mismunandi túlkanna á Guðsraunveruleikanum--sem enginn veit hver er--og í því tilefni halda áfram að ná sífellt betri árangri í að kvelja og drepa hver annan. Dawkinarnir munu jafnframt halda áfram að lýsa því fyrir okkur „hvernig” vitleysan er og óskapast út af henni, án þess að geta gefið okkur nokkrar „hversvegna” skýringar. Án þess að geta bent á hver grundvallar-orsökin er og hvar hana er að finna og bjóða þar með upp á raunhæfan grundvöll til úrbóta og breytinga. Í millitíðinni mun svo sameindalíffræðin halda áfram að bjóða okkur upp á nýjar upplýsingar úr erfðakóðum okkar, sem eru álíka fáránlegar og uppgötvun doktors Dean Hamer á hinu svokallaða „Guðs-geni”, og með því halda áfram að dylja fyrir almenningi að sameindalíffræðin er kominn í strand. Næst mun svo doktor Kári Stefánsson framkalla „Djöfuls-genið”, í formi „alka-gensins” eins og hann vill kalla það; en fyrra nafnið er trúlega of ó-vísindalegt.

Hér er svo rúsínan í pylsuendanum. Er hún fólgin í því að greinarhöfundurinn, sem hefur haft sameiningarkenningar leitarviðleitni mannsins, sem áhugamanns-rannsóknarverkefni síðan 1963 og heilarannsóknir mannsheilans síðan 1982, því næst stundað kerfisbundnar rannsóknir á fyrra verkefninu frá 1984 og því síðara frá 1992, hefur sett fram niðurstöður sínar inn á internetið. Þar koma fram tiltölulega einföld heilalíkön sem framkalla svör við hinum--áður margumtöluðu--ósvöruðu spurningum um orsakir trúarhneigðar mannsins, sem þýðir skýringar á tilvist trúarsviðs mannsheilans og heilbrigðri sem sjúkri starfsemi þess. Með öðrum orðum, þá skýra líkönin hvernig hinar starfrænu truflanir verða til í mannsheilanum í gegnum mengun hans með neyslu á gerviboðefnum, einkum alkóhóli, og hvernig þær síðan flytjast á milli kynslóðanna í DNA-sameindum í samræmi við erfðalögmál þau er Tékk-Austurríski munkurinn, Jóhann Gregor Mendel uppgötvaði á síðara hluta nítjándu aldar. Það þýðir að sjálfsögðu að þessar starfrænu truflanir safnast saman gegnum ættliðina og magnast því í gegnum aldirnar, en mennirnir hafa nú verið við þessa iðju í 7000 ár, og erum við nú loksins að byrja að sjá almennilega afleiðingar þessarar þróunar. Geta þeir sem hafa áhuga á, kynnt sér þessi heilalíkön á netinu, en þau er að finna í ALKAÞRAS-fyrirlestrinum sem hefur slóðina:

http://www.peace-files.com/ALKATHRAS/00_A-Inngangur.html

Hér vill greinarhöfundur, sem er jafnframt höfundur heila- og starfslíkana ALKAÞRAS-fyrirlestrarins, benda á að um er að ræða mjög frábrugðna aðferðafræði og nálgun við þetta stærsta og erfiðasta viðfangsefni allra vísinda mannsins. Ætti það að vera augljóst að þar sem því er haldið fram að líkön þessi „gangi öll upp” og „gefi öll svör” við öllum grundvallar-spurningum viðkomandi mannsheilanum og muni síðar koma til með að svara afgangi spurninganna, þá er þess ekki að vænta að framsetning þeirra sé í fullu samræmi við stöðu, skoðanir og aðferðafræði sameindalíffræðinnar. Væri svo, þá væru líkanasmíði þessi í sama strandi og sameindalíffræðin, eða sameindalíffræðin löngu búin að leysa gáturnar um mannsheilann, vitundina og starfsemi hans og við öll komin lifandi inn í útópíu þá sem vísindin eru sífellt að lofa okkur. Eru heilalíkön þessi sprottin upp úr niðurstöðum allsherjarsameiningarkenningar greinarhöfundar, sem er þá „uppskrift sú alheimsins” sem Hawking hefur svo stíft leitað. Er að finna heimasíðu þá er inniheldur alheimsuppskrift höfundar—því miður einungis á ensku—inni á netinu með slóðinni:

http://www.peace-files.com/UNIFICATION_FILES/00_A-Introductions.html

Staðreyndir arfleifðar og núverandi stöðu vísindanna er sú að fremstu tauga-, efna- og líffræði-vísindamenn nútímans hafa ekki þekkingu og innsæi í það hvernig boðefnasvindlið í heilunum breytir grunnforritum hans, en hér skal tekið fram að þessar breytingar eiga sér ekki bara stað í alkóhólisma. Með öðrum orðum, menn þurfi ekki að vera komnir ,,inn í” alkóhólisma til að valda skertum afköstum á forritum þessum með svindl-boðefnaneyslu, heldur á slíkt sér stað í allri heilamengun mannsins. Hér er partur vandamálsins sá að þekkingu þá og innsæi sem til þarf er einungis að finna í skammtafræðinni, en í þeirri fræðigrein eru líffræðingarnir minna á ferðinni. Það er því fáráðlegt að hlusta á Dawkins inntóna að það sé fullkomlega óskiljanlegt að nútímamaðurinn, með allri sinni visku, tækni og þekkingu, skuli enn vera að velta sér upp úr trú og trúarbrögðum, á meðan vísindamennirnir, með sína ofurvisku og ofurþekkingu, eru enn að skoða boðefnasvindlið sem einhverja saklausa frítíma-afslöppunariðkun og sjálfir að breyta réttri raunveruleikaskynjun og starfsgetu heila síns með iðkun þessari. Gæti það verið að birting umræddra starfrænna truflanna í heilum vísindamannanna, sé einmitt það sem kemur í veg fyrir að þeim takist að leysa gátuna hans Hawking um „uppskrift alheimsins”, og þarmeð gátuna um mannsheilann, starfsemi hans og vitund.

Það sem er þó verst af þessu öllu er að vísindin vita ekki hvert hið raunverulega grundvallar-lífsbaráttuforrit (survival) heila okkar er, eða með öðrum orðum, hvert hið raunverulega náttúrulega eðli mannsins er. Verður greinarhöfundur hér minnugur þess að sá sem skrifaði sálarfræði 20. aldarinnar, Sigmundur „Fraud”, var konunglegur boðefnasvindlari sem notaði kókaín frá 1890 til 1905, og sérhæfði sig síðan í hvítvíni, koníaki og kampavíni frá 1905 til 1923, en þá hafði hann náð sér í krabbamein út á allt saman og bætti því við morfíninu, en það varð þegar að Guði í lífi hans og því skrifaði hann 1927 hið mikla snilldarverk sitt, BLEKKING TRÚARINNAR (ZUKUNFT EINER ILLUSION), þar sem hann reif Guðshugmyndir mannanna í tætlur. Megininntak ritsins er að lífsbaráttan sé svo erfið að maðurinn hafi skapað sér Guðshugmyndina til að fróa sér andlega. Hér verðum við meðvituð um hina miklu mótsögn sem fólgin er í því að nútímamaðurinn bannar boðefnasvindlið og refsar alkóhól- og eiturlyfjaneytendum og segir þá ruglaða, vitlausa og geðveika, á sama tíma og vísindin lofsyngja sálarfræði þessa stór-eiturlyfjaneytenda. Eru skrif hans, sem lýsa hugarástandi alkóhól- og dóp-mengaðs heila, jafnvel af mörgum skoðuð sem hið raunsanna eðli okkar, en kóróna skrifa Freuds er í því að hann reynir að telja okkur trú um að hann sé með lausnina á andlegum vandamálum mannsins. Flottasti árangur Freuds er hinsvegar sá að hann kom af stað rógherferð um sálarfræðirannsakanda og kennimann þann (sem ekki drakk né dópaði), er fletti ofan af blekkingum hans, en hér er um að ræða hin raunsanna sálarfræðifrumherja, doktor Karl Gustaf Jung.

Dawkins, sem hefur skrifað fjölda frábærlega vel skrifaðra bóka um líffræðina og túlkun hennar í tengslum við túlkun trúarbragðanna, þar á meðal bókina THE BLIND WATCHMAKER (BLINDI ÚRSMIÐURINN), er með hinni vita gangslausu orsakasnauðu skamma-herferð sinni vegna trúarbragðanna og sögu þeirra—sem ekki mun breyta neinu um ástandið--er þar með sjálfur orðinn hinn raunsanni blindi úrsmiður. Með titlun sinni á hinum tveim sjónvarpsþáttum Channel 4, THE ROOT OF ALL EVIL? eða ORSÖK ALLS ILLS?, hefur þessi blindi úrsmiður farið um borð í rangt gufuskip, eða stokkið upp í vitlausa lest og er það döpur frammistaða svo snjalls vísindamanns. Það er nefnilega mengun mannsheilans, boðefnasvindl mannsins og hinar starfrænu truflanir sem það framkallar, sem er ORSÖK ALLS ILLS í mannkyninu. Er hér ekki einungis um að ræða tauga-ánetjunarsjúkdómanna og allt ruglið í okkur sem mengun þessi framkallar, heldur eru þar einnig all flestir hinna statistísku sjúkdóma, að meðtöldu 70% krabbameinsins. Hér kemur fram í Dawkins hin klassíska rökvilla sem einkum birtist hjá mönnum gagnvart byssum og stríðstólum, þegar þeir telja að verkfærin orsaki morð og styrjaldir, en hún er sú að trúarbrögðin orsaki morð og styrjaldir og sér hann ekki að trúarbrögðin eru einungis verkfæri mannsins. Það er ástand mannsheilans sem er orsök allrar sturlunarinnar og það er upphaflega sett í gang og skapað með neyslu okkar á alkóhóli.

Endanleg niðurstaða alls þessa er því sú að það sé einfaldlega skortur á skilningi á hinni vísindalegu þekkingu mannsins--og þar með Dawkins--að halda því fram að trú og trúarbrögð séu orsakir alls ills í mannlífinu. Niðurstaða 22 ára rannsóknarverkefna greinarhöfundar er sú að það sé neysla mannsins á heilamengandi og hugbreytandi efnum sem sé orsakavaldur alls ills í mannlífinu. Af allri þessari neyslu svindl-heilaboðefna er alkóhólið það lúmskasta, en neysla þess verður síðan kveikjan að neyslu okkar á öllum öðrum svindl-boðefnum. Alkóhólið er því verst, enda elskum við það mest. Það kemur í stað hinna náttúrulegu boðefnahemla sem framkallaðir eru af hinu lífgefandi trúar- og samkendarsviði heilans, aðalega endorfína og dópamína, en með neyslu gerviboðefna umpólast móttökutaugarnar rangt og eru þar með rangar upplýsingar forritaðar ofan í grunnforrit heilans. Þetta er því rótin að syndafalls-sögunni um hin forboðna ávöxt, í líkingamáli Mósesar.

Það merkasta í öllu þessu eru taugalíffræði uppgötvanir síðari tíma á trúar- og samkendarsviðunum í rúmskynjunarhluta mannsheilans, en þau eru jafnframt spegilsvið (mirror neurons) sjálfskynjunar, ég-sins, í talstöðvarsvið (Broca) efnisskyjunarhvelsins. Samkvæmt rannsóknarniðurstöðum greinarhöfundar er hlutverk þessara tveggja sviða--í samvinnu við vitundarsvið heilans--stjórnun raunveruleikaskynjunarinnar í gegnum boðefnaframleiðslu vitundarsviðs tauganna. Það er virkni þessa tveggja póla heilans sem ræður því hver raunveruleiki lífs okkar er, hvað og hver við erum og hvert andlegt heilbrigði og atgervi okkar er. Með þessu innsæi hættir Kristur að vera siðapostuli og verður boðefnaframleiðslukennari--ofan á allt það annað sem hann kann að hafa verið--þar sem ljóst verður að hið eina boðorð hans er að fjallar um þessa miðstjórnarstarfsemi heila okkar og vitundar og samspilið á milli hinna tveggja stjórnunarpólasviða hans.

"Elska skalt þú (ÉG-sviðið) Drottin, Guð þinn, af öllu hjarta þínu (trúarsvið), allri sálu þinni (trúarsvið) og öllum huga þínum (trúar- og ÉG-sviðin).' Þetta er hið æðsta og fremsta boðorð. Annað er þessu líkt, þú skalt elska náunga þinn (samkenndar VIÐ-svið) eins og sjálfan þig (ÉG-sviðið).' Á þessum tveimur boðorðum hvílir allt lögmálið (rétt raunveruleikaskynjun) og spámennirnir (vitundar-aðgangur að trúarsviði)."

Þegar svo annar þessara póla hættir að starfa vegna langvarandi boðefnasvindls og hinna uppsöfnuðu starfrænu truflana sem það veldur, fer raunveruleikaskynjunin að lokum fullkomlega úr skorðum, eins og til dæmis í “bi-polar” sjúkdómnum, en truflanir þessar erfast einnig í gegnum kynslóðirnar. Þessi truflanaaukning á sér jafnframt stað við minnstu alkóhól- eða lyfjaneyslu mannsins og skerðir smám saman getu heilans til að öðlast þá virkni sem honum er ætluð af náttúrunni og fylgni við boðorð Krists ætti að framkalla. -- Í þessari staðreynd er fólginn allur leyndardómur tilveru mannsins.

Höfundur er eins og Dawkins. „Oxford graduate”, en sem betur fer, einungis í atvinnuflugmennsku.

"Þegar ég skoða sjálfanmig og hugasanaaðferðir mínar, kemst ég að þeirri niðurstöðu að gáffa ýmindunarflsins hefur haft meiri þýðingu fyrir mig en
geta mín til að vinna úr jákvæðri þekkingu."

Albert Einstein

Í tengslum við lesningu þessa er lesendanum sérstaklega bennt á QF-R-09 síðuna í þessum greinaflokki, en hún fjallar um náskylt efni og er slóðin í hana:

http://www.peace-files.com/ICELANDIC_FILES/QF-B-09/01_QF-Samkendarstodin.html

QF-L-00	The QF-Letters Introductions
*QF-L-*01	The QF-theory's Alternate Mathematical Solution
*QF-L-*02	The End of Theoretical Physics
*QF-L-03***	Parallel Universes and the Limits of Mathematics
*QF-L-*04	The BBC Riddle of: "God on the Brain"
*QF-L-*05	The Riddles of Déjà vu to the Autism Mysteries
*QF-L-*06	Two Kinds of Hippocampal Volume Loss
*QF-L-*07	After the Genome Article - After the Double Helix
QF-L-08	QF-kenningin og trúarsvið mannsheilans
QF-L-09	QF-kenningin og samkendarsvið mannsheilans
QF-L-10	QF-kenningin og sameining trúar og vísinda
QF-L-11	EPR-paradoxes--Bells Theorem--Aspect Experiment
QF-L-12	The QF-theory and the Double Slit Phenomena
QF-L-13	The Anthropic Principle and the QF-theory
QF-L-14	The Search for Alcoholism and God in Our Genes
QF-L-15	"Theory of Everything" Questions Plaguing Physics
QF-L-16	Richard Feynmann's Riddles of Gravity
QF-L-17	The Fine Structure Coupling Constant Riddle
QF-L-18	Interview with the Mysterious Mr. 666
QF-L-19	The Riddle of Nature's Three Fundamental Colours
QF-L-20	The Epilogue